E pā ana ki te Ratonga Whakaora Tohutō Māori

Ko te Ratonga Whakaora Tohutō Māori he ratonga utu kore hei whakauru aunoa ngā tohutō ki ngā tuhinga Māori. Ka whakauru aunoa ngā tohutō ki ngā kōnae Microsoft Word 2007, ngā kōnae Open Office Text me ngā kōnae kuputuhi noa. Ka taea hoki te whakauru aunoa ngā tohutō ki ngā kōrero kua tāurunga.

Hītori

Ko te tohutō tētehi rārangi poto kei runga i ngā oro pūare hei whakaatu atu he roa te whakahua o taua oro pūare. E arohaina atu ana i te mea kei te ngaro te tohutō i ētehi o ngā tuhinga ka kite atu i te ipurangi. Nō reira, i ētehi wā ka hē te whakahua o te kupu.

Hāunga i te hē o te whakahua, ka hē hoki te tikanga o ētehi kupu mehemea kāore te tohutō i kitea. Tērā pea ka whakamā te kaikōrero mehemea e hē ana te whakahua o ētehi kupu. Ko tā te ratonga nei he āwhina atu i taua raruraru nā te whakatika aunoa o te tohutō ki ngā tuhinga reo Māori.

Ngā Pae O Te Māramatanga te pūtea tautoko. He wāhanga rangahau mai i te kaupapa āmati o te Kohikohinga Pei Te Hurinui Jones. He mea hanga nā John Cocks i te Whare Wānanga o Waikato.

This site is offered in: English